Ռուսական շոու-բիզնեսի փոփ-արքա Ֆիլիպ Կիրկորովը կրքոտ համբուրել է ուկրաինացի երգչուհուն եւ իր այդ քայլով շոկի մեջ գցել հավաքվածներին: Կիրկորովը Կիեւում էր գտնվում` մասնակցելով իր պակիստանցի միլիարդատեր ընկերոջ Մուհամեդի երգչուհի կնոջ Կամալիայի ծննդյան տարեդարձին ու ձայնասկավառակի շնորհանդեսին: Երեկույթի ժամանակ երգելով իր «Ձյունը» երգը, Ֆիլիպը անսպասելիորեն բեմ է հրավիրել երգի հեղինակ Իրինա Բիլիկին:
Իրինան եւ ֆիլիպը շատ անգամ են «Ձյունը» համատեղ կատարել, բայց այս անգամ՝ ամեն ինչ այլ էր… Փոփ-արքան բացահայտ գրկել է Իռայի մեջքից, շոյել նրան, իսկ երգի ավարտին կրքոտ համբուրել շուրթերը: Իռան ֆիլիպի պահվածքից անկեղծացել է, ու հենց բեմի վրա հարցրել ` «Ֆիլիպ, ես ուզում եմ երջանիկ լինել անձնական կյանքում, այնպես ինչպես Կամալիան: Երբ է այդպես լինելու, դու ինձ խոստացել էիր…»: «Մի՞թե երջանիկ չես, չէ՞ որ ինձ հետ ես երգում»,- կատակել է Կիրկորովը` կրկին գրկելով Իռայի մեջքը… «Չէ որ հիմա քո գրած երգն եմ երգում»,- հավելել է Կիրկորովը, ինչին էլ Իռան պատասխանել է տխուր ժպիտով:
Լիկա ԳԼԱՄՈՒՌՅԱՆ
Կարդացեք նաև
