Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանի դատավոր Արմեն Խաչատրյանը քիչ առաջ հրապարակեց համակարգչային սաբոտաժի մեջ մեղադրվող Գեորգի Ավանեսովի դատավճիռը: Հաքեր Գ. Ավանեսովը դատապարտվեց 4 տարվա ազատազրկման: Նրա կալանքի սկիզբը կհաշվվի 2010թ. հոկտեմբերի 26-ից: Ավանեսովի բնակարանի վրա դրված արգելանքը կվերացվի եւ նրան կվերադարձվի Ազգային անվտանգության մարմինների կողմից առգրավված համակարգիչը:
Ակնհայտ շոկի մեջ հայտնված Ավանեսովը եւ նրա պաշտպան, ՀՀ փաստաբանների պալատի անդամ Գեղամ Հակոբյանը մեր հարցին, թե բողոքարկելո՞ւ են, պատասխանեց, որ միանշանակ բողոքարկելու են դատավճիռը:
Գ. Հակոբյանը նաեւ ասաց, որ դատարանին ներկայացված իրենց փաստարկները հիմք չէին տալիս նման դատական ակտ կայացնելու:
Մանրամասները կարդացեք վաղվա «Առավոտում»:
