Հոմեոպաթիա բուժամեթոդը աշխարհում գոյություն ունի արդեն 200 տարի, սակայն Հայաստանում 19 տարի է, որ այս մեթոդով բուժում է իրականացվում: Այսօր Կոնգրես հյուրանոցում տեղի ունեցավ հոմեոպաթիային նվիրված միջազգային համաժողովը, որին ներկա էին աշխարհում ճանաչված հոմեոպաթներ` Գերմանիայից, Ուկրաինայից, Շվեյցարիայից, Ռումինիայից: Նրանք 3 տարին մեկ գալիս են մեր երկիր` իրենց փորձը տեղացի բժիշկներին փոխանցելու:
Նշենք, որ հոմեոպաթիկ բուժումն իրականացվում է դեղաբույսերով, հանքային աղերով, կենդանական ծագման այլ նյութերով:
«Միջազգային հոմեոպաթների հայկական ասոցիացիայի» նախագահ Մարիամ Ղարաբաղցյանի խոսքերով, այդ բուժամեթոդը չունի կողմնակի ազդեցություն: Նրա ներկայացմամբ, այսօր Հայաստանի բոլոր հիվանդանոցներում կան հոմեոպաթներ: Արդեն 10 տարի է` Երեւանի պետական բժշկական համալսարանում հոմեոպաթիան մասնագիտություն է:
Հայկական բնաշխարհի բույսերից մեր հոմեոպաթներն այդքան էլ չեն կարողանում օգտվել, քանի որ Մարիամ Ղարաբաղցյանի խոսքերով, այդ դեղաբույսերից դեղամիջոցներ պատրաստելու համար մեծ գործարաններ են անհրաժեշտ:
Լուսինե ԲՈՒԴԱՂՅԱՆ
