Մարդու իրավունքների պաշտպանի գրասենյակի խոցելի խմբերի պաշտպանության վարչության պատասխանատու Աիդա Մուրադյանը երեկ «Առավոտին» տեղեկացրեց, որ վերջերս ծայրահեղ բողոքի միջոցի դիմած (մեխել էր ոտքերը) Գրիգոր Մուրադյանը 3 օր առաջ ստացել է իր անձնագիրը: Շնորհիվ ՄԻՊ գրասենյակի, նա տեղավորվել է անտունների կացարանում, որը գտնվում է Հաղթանակ թաղամասի 2-րդ փողոցի 45 տանը: Աիդա Մուրադյանի դիտարկմամբ, անձնագրավորման հարցին պետք է տալ իրավական նոր լուծում: Անձնագրի համար անհրաժեշտ է, որ մարդն ունենա փաստացի բնակության վայր, ինչը անօթեւանների դեպքում հնարավոր չէ: ՄԻՊ աշխատակիցը տեղեկացրեց, որ այս կապակցությամբ դիմել են ՀՀ ոստիկանությանը:
