5-րդ գումարման Ազգային ժողովի առաջին նիստը տեղի կունենա մայիսի 31-ին: Այսօր Կենտրոնական ընտրական հանձնաժողովի արտահերթ նիստում հանձնաժողովի նախագահ Տիգրան Մուկուչյանը հիշեցրեց, որ ըստ օրենքի` նոր խորհրդարանի առաջին նիստը ընտրություների օրվանից հետո երրորդ հինգշաբթի օրն է լինում՝ պատգամավորների 2/3-ի ներկայության ապահովման դեպքում: Պարոն Մուկուչյանը նաեւ ներկայացրեց, թե հունիսի 10-ին Լոռու մարզի Դաշտադեմ համայնքում նախատեսված ՏԻՄ ընտրություններին ո՞ր կուսակցություններից են լինելու հանձնաժողովի ղեկավարն ու քարտուղարը. ղեկավարը՝ «Օրինաց երկիր», իսկ քարտուղարը` «Ժառանգություն» կուսակցությունից է լինելու: Համապատասխան հայտերն այս կուսակցությունները պետք է ներկայացնեն մայիսի 19-21-ն ընկած ժամանակահատվածում:
Արփինե ՍԻՄՈՆՅԱՆ
