Սամվել Ալեքսանյանը պաշտոնապես շնորհավորել է Նիկոլ Փաշինյանին՝ համամասնական ընտրակարգով պատգամավոր ընտրվելու առթիվ, ու «որպես պառլամենտական գործընկեր»՝ վերջինիս հրավիրել «Փարվանա» ռեստորանային համալիր, որտեղ եւ պիտի տեղի ունենա «մրցակցային ընտրությունների ավարտին նվիրված միջոցառումը»:
«ՉԻ»- Սամվել Ալեքսանյանի հումորի զգացումն, իհարկե, բացառիկ է, եւ Նիկոլ Փաշինյանի կողմից ուղղակի անքաղաքավարություն կլիներ մերժել սույն նրբագեղ հրավերը: Այլ հարց է, որ Նիկոլ Փաշինյանը տվյալ դեպքում երկու տարբերակ ունի: Առաջին՝ հրավերն ընդունել «1+1+1+1+…» տարբերակով եւ միջոցառմանը մասնակցել իրեն ձայն տված 9400 հոգու հետ միասին, եւ երկրորդ՝ 30 վայրկյանանոց այց կատարել «մտնում ես «Փարվանա», շուռ տալիս սեղանները, եւ վերջ, դու արեցիր քո բաժին հեղափոխությունը» սկզբունքով: Թե որ տարբերակը կընտրի Նիկոլ Փաշինյանը՝ դեռ պարզ չէ, բայց մեզ այս պահին բոլորովին այլ հարց է հետաքրքրում: Արդյո՞ք Ռուբեն Հայրապետյանն այս հրավերից հետո չի դադարի հարգել Սամվել Ալեքսանյանին:
«Չորրորդ ինքնիշխանություն»
