Երեկ տեղեկացրել էինք, որ դատավորներ են կանչվել Ազգային անվտանգություն:
Մեղադրանքը դատավորներին ուղղված չէ: Դատավորներից մեկը, ինչպես պարզվեց Վճռաբեկ դատարանի քաղաքացիական պալատի դատավոր Վարուժան Աբելյանն է, մյուսը` Վերաքննիչ քաղաքացիական դատարանի դատավոր Լևոն Գրիգորյանը: ԱԱԾ-ից երեկ որևէ տեղեկություն չհրապարակեցին` մատնանշելով նախաքննության գաղտնիությունը:
Panorama.am-ի հետ զրույցում դատավոր Վարուժան Աբելյանը հաստատեց, որ եղել է ԱԱԾ-ում, ապա խորհուրդ տվեց` «վերջ տվեք էլի»:
-Անիմաստ, մի հատ հիմար բան է: Մերժելու համար ինչ որ բան կա՞:
-Ի՞նչը մերժելու, ես չեմ հասկանում:
-Դե պետք չի էլի, թողեք իրենք իրենցով կքննեն, կասեն:
–Բայց Դուք կանչվե՞լ եք ԱԱԾ:
-Ինչների՞դ է պետք:
–Նման լուրեր են տարածվում, ուզում ենք առաջին ձեռքից ինֆորմացիան պարզել:
-Դե անշնորհք մարդիկ անշնորհք բաներ են տարածում: Ես ինչ իմանամ: Վաղը Ձեզ էլ կասեն, մյուս օրը նրան կասեն: Թողեք… Էդ մարդիկ պարզել են, տեսել են, հիմարություն է:
-Դուք գնացե՞լ եք ԱԱԾ, ինչ-որ բան ասել եք, դրանից հետո՞ է պարզվել, թե՞…
-Մերժված մարդուց, փող չեն վերցնում, հիմարություն է դա, էն էլ մի քանի անգամ: Դրա ի՞նչը պետք է պարզեն:
-Մերժված մարդն ո՞վ է:
-Ով որ տուժողն է, ով որ գտնում է` ինքը ճիշտ է, դատական բոլոր ատյաները մերժել են, մենք էլ այդ թվում: Լուրջ որևէ բան չկա, ափսոսում եմ իմ անբասիր անունը: Մեղադրանքն իմ դեմ չէ, ինչ որ մեկի դեմ է, որին ոչ տեսել եմ, ոչ էլ ճանաչում եմ, իրենք իրար խաբել են:
-Դուք ի՞նչ կարգավիճակով եք կանչվել ծառայություն:
-Որպես վկա: Հետո՞, ըսենց խայտառակո՞ւմ են ինձ: Ամոթ էլ է: 47 տարվա իրավաբան եմ, մի օր մի հատ կողմ չեմ ընդունում: Կարող է փողոցով անցնեմ, մեկը ընկնի ավտոյի տակ, կանչեն որպես վկա` ինչ կարծիքի եք, հետո՞: Էս ինչ լուն դավա սարքեցին, ո՞ւմ է հետաքրքիր էս, ինչո՞ւ են ուզում ինձ վարկաբեկել:
-Ինչ-որ միտո՞ւմ եք տեսնում:
-Միտում էլ չեմ տեսնում: Հիմա մարդը կարող է հիմար հայտարարություն անի, ստուգեն, պարզեն, դրանում որևէ խնդիր չկա, մենք էլ ենք ստուգում, պարզում:
-Ում դեմ մեղադրանք է առաջադրվել, ճանաչո՞ւմ եք:
-Չեմ էլ ճանաչում, իրենց հետ պարզեք: Քննության փուլում գաղտնիություն է:
Այս պահին Panorama.am-ին չհաջողվեց կապ հաստատել մյուս դատավորի` Լևոն Գրիգորյանի հետ: Նրա պարզաբանումը կներկայացնենք ավելի ուշ:
Աղբյուր` Panorama.am
