Մայիսի 19-ին, ժամը 18-ին, արդեն 8-րդ անգամ ողջ Եվրոպայով մեկ կմեկնարկի Թանգարանային գիշերը, որին միացել է նաեւ Հայաստանը:
Թանգարանների եվրոպական գիշերը իրականացվում է 2005 թվականից`
Ֆրանսիայի մշակույթի նախարարության նախաձեռնությամբ` Եվրոպայի խորհրդի , ՅՈՒՆԵՍԿՕ-ի եւ ԻԿՕՄ-ի բարձր հովանու ներքո:
Այս էլ որերորդ անգամ, ՀՀ մշակույթի նախարարությունը Թանգարանային գիշերվա պաստառի վրա խառնում է լոգոները եւ ԵԽ լոգոյի փոխարեն դնում ԵՄ լոգոն, իսկ ՅՈՒՆԵՍԿՕ- ի լոգոն ընդհանրապես չկա պաստառին:
Կարդացեք նաև
Այսօր կայացած ասուլիսում ՀՀ մշակույթի փոխնախարար Արեւ Սամուելյանն էլ է ամեն ինչ իրար խառնել: Նա մասնավորապես նշել է. «Աս տարի «Թանգարանային գիշեր» ակցիան Երոպական Միությունը հայտարարել է «Թանգարանը փոփոխվող աշխարհում» խորագրի ներքո»: Ընդ որում՝ դա ոչ թե Եվրոպական միությունն է հայտարարել, այլ Թանգարանների միջազգային խորհուրդը՝ ԻԿՕՄ-ը:
Հիշեցնենք, որ մի քանի տարի առաջ էլ էր մշակույթի նախարարությունում այս «մասով» խառնաշփոթ. անգամ Թանգարանային գիշերվա թեմայով շապիկներ էին պատվիրվել՝ ԵԽ-ի փոխարեն ԵՄ լոգոյով:
Լոգոների շփոթը անփութության արդյունք էր, իսկ շապիկներն ինչի՞ համար էին, էդպես էլ «մութ մնաց» թանգարանային աշխատողների համար, որոնք կատակում էին՝ լավ է գիշերաշապիկ չեն պատվիրել:
Գոհար ՀԱԿՈԲՅԱՆ
