Մայիսի 19-ին, ժամը 18-ին, Եվրոպայով կմեկնարկի Թանգարանների 8-րդ եվրոպական գիշերը, որը կշարունակվի մինչեւ կեսգիշեր: Իրենց ծրագրերի մասին այսօր «Նովոստի» ակումբում խոսեցին Ժամանակակակից արվեստի թանգարանի տնօրեն Նունե Ավետիսյանն ու Սերգեյ Փարաջանովի տուն-թանգարանի տնօրեն Զավեն Սարգսյանը:
Նունե Ավետիսյանը ներկաներին տեղեկացրեց, որ մայիսի 18-19-ին մուտքն իրենց թանգարան կլինի անվճար: Թանգարանային գիշերվա ընթացքում նախատեսել են ներկայացնել Հենրիկ Իգիթյանի գրքերը, կլինեն հանդիպումներ թափոններով աշխատող արվեստագետների հետ:
Փարաջանովի տուն-թանգարանի ծրագիրը փոքր է: Թանգարանային գիշերվա ընթացքում ցուցադրության կհանվեն բանտում Փարաջանովի գրած ու Փարաջանովին գրված նամակները:
Կարդացեք նաև
«Մեր թանգարանն առանց այդ էլ շատ այցելու ունի: Անցյալ տարի ունեցել ենք մոտ 4000 այցելու: Դա աննորմալ թիվ է, քանի-որ մարդիկ գալիս էին եսիմ ինչ կտրոններ ծակելու համար»,- ասում է Զավեն Սարգսյանը: Տնօրենը նկատի ուներ այն, որ շատ թանգարաններ այցելողներին սպասվում էր մրցանակ, ու այցելությունը փաստելու համար շատերն ընդամենը մտնում էին որեւէ թանգարան, դակում կտրոնը եւ դուրս գալիս՝ առանց հավաքածուին ծանոթանալու:
Անցյալ տարի Ժամանակակակից արվեստի թանգարան այցելածների թիվն ավելի շատ է եղել` 5000 մարդ: Նունե Ավետիսյանը եւս ցավում է, որ այցելությունը սպորտի էր վերածվել. «Վատ է, որ թանգարան գալիս էին կնիքի համար»:
Արամ ԱՐԱՐԱՏՅԱՆ
