Ամեն օր Բագրատաշենի, Պտղավանի ֆերմերները Այրումում հավաքում են անգործ մարդկանց խմբեր եւ տեղափոխում իրենց պատկանող արեւածաղկի դաշտերը: Կիզիչ արեւի տակ արեւածաղկի փխրեցման, քաղհանման ծանր աշխատանքի համար գործատուն բանվորին օրական վճարում է 2-3 հազար դրամ:
Այրում քաղաքը սեփական հողատարածքներ չունի, նախկին բանավանը հիմնվել է Այրումի պահածոների գործարանի հենքի վրա: Այն ներկայումս փոքր կարողություններով է գործում: Այրումցիների քիչ մասն աշխատում է համանուն երկաթուղային կայարանում, շատերն արտագնա աշխատանքի են մեկնում Ռուսաստան: Միայն պահածոների գործարանի դիմացի շենքից այս տարի «խոպան» է մեկնել 25 հոգի, եւս 5-ն էլ կմեկնի օրերս:
Ապրիլի 21-ին Սերժ Սարգսյանն Այրում քաղաքում հայտարարեց, որ Հայաստանում աղքատության ամենացածր մակարդակը Տավուշի մարզում է, որ Տավուշում աղքատության մակարդակն ավելի ցածր է, քան նույնիսկ Երեւանում:
Կարդացեք նաև
Ոսկան ՍԱՐԳՍՅԱՆ
