«Ընտրությունների ժամանակ քաղաքական ուժերը շռայլ խոստումներ են տվել եւ հիմա չեն կարող պարզապես արդարանալ, թե դրանք չեն կատարում, քանի որ մեծամասնություն չունեն։ Ով ինչ խոստացել է, պետք է կատարի», հայտարարել է Գալուստ Սահակյանը։
«ՉԻ»- Հանրապետական մտքի տիտանր շարունակում է հիացնել հայ հանրությանը՝ պահանջելով, որ խորհրդարան մտած բոլոր ուժերը կատարեն իրենց խոստումները։ Պատկերացնո՞ւմ եք, թե այդ դեպքում ինչ ընթացք կստանա խորհրդարանի առաջին նիստը։ Հանրապետականներն անընդհատ հավատում են եւ ինչ-որ բան փոխում, Րաֆֆին օրինագիծ է ներկայացնում «Սարերի ազատ տեղաշարժի մասին», Կոնգրեսը հինգ րոպեն մեկ տապալում է ավազակապետական ոեժիմը, Արթուր Բաղդասարյանը վաճառքի է հանում «Հայասի» գործարանը, որ ժողովրդի ավանդները վերադարձնի, դաշնակցականները վազվզում են նիստերի դահլիճում ու պատառոտում հայ-թուրքական արձանագրությունները… Չէ, ավելի լավ է՝ թող միայն ՀՀԿ-ն կատարի իր խոստումները։ Մանավանդ՝ որ ոչ մի բան էլ չի խոստացել։ Իսկ Գալուստ Սահակյանը թող շարունակի մտքեր հայտնել։ Զվարճանալու իրավունք ժողովուրդը հաստատ ունի։
«Չորրորդ ինքնիշխանություն»
