«Մարդիկ անցել են խորհրդարան ու մանդատները սկսել են դնել, այսպես ասած՝ մանդատադնելացավ են կպել: Սա պարադոքս է, մարդիկ ձայն են տվել, եթե չէիք ուզում՝ չմասնակցեիք: Բոլոր նրանք, ովքեր մանդատները կդնեն՝ կմասնակցեն լեգիտիմացմանը»,- այսօր «Տեսակետ» ակումբում նման տեսակետ հայտնեց «Նոր ժամանակներ» կուսակցության նախագահ Արամ Կարապետյանը: Խոսելով կոալիցիայի հնարավոր մասնակիցներից՝ նշեց, որ «Բարգավաճ Հայաստանը» չի կարող ընդդիմություն լինել ու կոալիցիայում լինել. «Կիսահղի վիճակ չի լինում: Ամեն ինչ հիմնվում է Գագիկ Ծառուկյանի՝ որպես ազնիվ, ազգասեր մարդու խարիզմայի վրա, մարդիկ վստահել, քվե են տվել, հիմա կտեսնեն: Գագիկ Ծառուկյանը եւ մնացած օլիգարխները չէին կարող Հայաստանում դառնալ օլիգարխ, եթե չօգտագործեին իշխանությունների ռեսուրսները, եթե այս օլիգարխիաները իրար հետ չհամակերպվեն, պիտի գժտվեն: Հակասությունները մեր մոտ չեն վերջանում քաղաքական դաշտով, վերջանում են Խաչատուր Սուքիասյանով»:
Հռիփսիմե ՋԵԲԵՋՅԱՆ
