Հատված Գլոբալիզացիայի եւ տարածաշրջանային համագործակցության վերլուծական կենտրոնի ղեկավար, քաղաքագետ Ստեփան Գրիգորյանի հարցազրույցից:
– Կոալիցիա կձեւավորվի՞, թե՞ ոչ:
– Ճիշտ է, ձեւական տեսակետից Հանրապետականին կոալիցիա պետք չէ։
Բայց ընդամենը ձեւական տեսակետից։ Իրականությունը բոլորովին այլ խնդիրներ է առաջ քաշում։ Ես կարծում եմ, որ ամենահավանական կոալիցիան ՀՀԿ-ի եւ ԲՀԿ-ի կոալիցիան է։ Նախ դա շատ է անհրաժեշտ Հանրապետական կուսակցությանը։ Քանզի ակնհայտ է, որ այս ընտրությունների ժամանակ խմորումներն ընթացան «Բարգավաճ Հայաստան» կուսակցության շուրջ։ Միավորվելով՝ իշխանությունը երկրի ներսում ձեռք կբերի առավել մեծ լեգիտիմություն։ ՀՀԿ-ին կոալիցիան անհրաժեշտ է նաեւ դրսի համար. աշխարհը չի սիրում, երբ ձեւավորվում է միակուսակցական կառավարություն եւ համակարգ:
Կարդացեք նաև
Ինչ վերաբերում է «Բարգավաճ Հայաստանին», չնայած կուսակցության մեջ կան տեսակետներ, թե նպատակահարմար չէ կոալիցիա կազմել, այնուամենայնիվ, այս կուսակցության համար եւս կոալիցիայի մեջ մտնելը շահեկան է։ Որովհետեւ ԲՀԿ-ն չի ընկալվում որպես կոշտ ընդդիմադիր քաղաքական ուժ։ Նրա հետ ծրագրերի իրականացման խնդիր են կապում։ Այսինքն՝ մարդիկ ուզում են, որ այն դառնա կառավարություն կամ կառավարության մի մասը, որպեսզի պետական ինստիտուտների միջոցով իրականացնի իր ծրագրերը։
Այնպես որ, քաղաքական այս ուժերի դաշինքը տրամաբանական է եւ շահեկան՝ երկուստեք։
Գոհար ՍԱՐԴԱՐՅԱՆ
«Հայացք»
