«Առավոտ» օրաթերթն այսօր լույս չի տեսել: Դե, մարդիկ աշխատել էին մայիսի 6-ին՝ կիրակի օրը, ուստի պետք է մի օր էլ հանգստանային:
Բայց այսօր նայելով որոշ կայքեր (ընդ որում՝ լրատվության ոլորտում առաջատար, վարկանիշային առաջին տասնյակի մեջ ընդգրկված)՝ տեսա, որ մամուլի տեսությունների մեջ ներառված է նաեւ «Առավոտը»: Մեկը մեջբերել էր մեր «Մշակույթի նախարարը «մո՞ւռ» է հանում» հրապարակումը՝ նշելով, թե «թերթը գրում է, որ…»:
Մյուսը մեջբերել է Վարդեւան Գրիգորյանի հետ հարցազրույցը՝ էլի նշելով. «Թերթը գրում է, թե…»:
Հիմա մտածում եմ՝ կարո՞ղ է մեզնից թաքուն տպագրել են մեր թերթը, ընդգրկել կայքում երեկ հրապարակված որոշ նյութեր եւ հիմա դրանց շուրջ «տեսություն» են անում: 🙂
