Վրոցլավում անցկացված սպիդվեյի մրցման ժամանակ աշխարհի չեմպիոն, 33-ամյա Լի Ռիչարդսոնը վթարի է ենթարկվել եւ մահացել է: Մարզիկը, ըստ արտասահմանյան լրատվամիջոցների, արժանացել է հորեղբոր ճակատագրին:
Ռիչարդսոնը մոտոարշավորդների ընտանիքից է: Այս մարզաձեւով զբաղվել է նաեւ նրա հայրը՝ Քոլինը: Բայց Լին գրեթե նույնությամբ արժանացել է հորեղբոր՝ Սթիվ Ուեզերլիի ճակատագրին, որը 70-ական թվականներին Բրիտանիայում ծագող աստղ էր: Սակայն նա 22 տարեկանում նույնպես մրցատարածությունում սարսափելի վթարի էր ենթարկվել՝ բախվելով Վիկ Հարդինգի հետ: Հարդինգը տեղում մահացել էր, իսկ Ուեզերլին վնասել ողնաշարը եւ մինչեւ կյանքի վերջ գամված մնացել հաշմանդամի սայլակին:
Աշոտ ՀԱԿՈԲՅԱՆ
