Մայիսի 5-ից պետական եւ մասնավոր բարձրագույն ուսումնական հաստատություններում սկսվել է դիմորդների փաստաթղթերի ընդունման ու հայտագրման գործընթացը: Դրան կհաջորդեն ավարտական ու միասնական քնությունները:
«Միասնական քննությունը կընթանա երկու փուլով: Առաջին փուլը այս տարի հանրակրթական դպրոցը ավարտածների ու անցյալ տարի չընդունվածների համար է, իսկ երկրորդը` բանակից նոր զորացրվածների ու օտարերկրացիների: Կտևի հունիսի 25-ից հուլիսի 2-ը: Նրանք, ովքեր դուրս կմնան, կարող են հունիսի 25-ից հուլիս 1-ը նորից հայտ լրացնել ու մասնակցել իրենց համապատասխանող քննություններին: Ցուցակները փակցված կլինեն հուլիսի 15-ին»,-այսօր «Երկու երես» ակումբում կազմակերպված ասուլիսի ժամանակ հայտնեց ԵՊՀ ընդունող հանձնաժողովի նախագահ Վաչագան Գալստյանը:
Այսօրվա դրությամբ Երեւանի պետական համալսարանն արդեն ունի շուրջ 400 դիմորդ: Պետության կողմից այս ԲՈւՀ-ին տրամադրվել է 33 անվճար ու 2612 վճարովի տեղ: Բացի սա, այս տարի համալսարանում եղած 54 մասնագիտություններին ավելացել է եւս հինգը: Պարոն Գալստյանի խոսքով, ԵՊՀ ընդունող հանձնաժողովը աշխատում է նաև շաբաթ ու կիրակի օրերին, քանի-որ գյուղերից դիմորդները այդ ժամանակ կարող են գալ:
Մովսես Խորենացու անվան համալսարանի ռեկտոր Արթուր Աղաբաբյանն ասաց, որ իրենք էլ ունեն դիմորդներ` մոտ 90 հոգի: Նրանց տրամադրվել է անվճար` 20, վճարովի 220 տեղ:
Այս տարի միասնական քննություններում դրական գնահատական կհամարվի 7,5-20, իսկ ներբուհականում` 8-20 միավորները: Դրանք հսկելու համար կա մի նորամուծություն` կձայնագրվեն:
Կարդացեք նաև
Արամ ԱՐԱՐԱՏՅԱՆ
