Թեղուտի գյուղապետ Գեւորգ Թամրազյանը հայտնեց, որ մայիսի 12-ին, ժամը 18-ին, ավելիք քան կես ժամ տեւած կարկուտի եւ առաջացած սելավների հետեւանքով գրեթե ամբողջությամբ վնասվել են գյուղի տնամերձ ցանքատարածությունները, ավերվել՝ ներհամայնքային ճանապարհները, որոնք համայնքի միջոցներով խճապատվել, բարեկարգվել էին ապրիլ ամսին: Սելավաջրերը ողողել են մի շարք բնակելի տների ներքնահարկեր: Թեղուտ համայնքի կողմից, համապատասխան տեխնիկայի միջոցով ապահովվել է ճանապարհների անցանելիությունը: Իրավիճակի մասին հաղորդվել է Տավուշի մարզպետարան, համայնքապետի կարգադրությամբ ստեղծված հանձնաժողովը ներկայումս ուսումնասիրում, արձանագրում է տարերքի պատճառած վնասները:
Հաղարծնի գյուղապետ Սարգիս Պողոսյանը հայտնեց, որ մայիսի 11-ի եւ 12-ին տեղացած կարկուտի եւ սելավների հետեւանքով ամբողջությամբ շարքից դուրս են եկել գյուղի 660 տնտեսությանը պատկանող 53,5 հա կարտոֆիլի, 17,9 հա եգիպտացորենի, 4,4 հա լոբու, 3,8 հա այլ մշակաբույսերի ցանքերը, 50-60 տոկոսով շարքից դուրս են եկել 117 տնտեսությանը պատկանող 9,5 հա կարտոֆիլի, 2,1 հա եգիպտացորենի եւ 0,6 հա լոբու եւ 0,1 հա այլ մշակաբույսերի ցանքատարածությունները: Սելավները քշել-տարել են վերջին տարիներին Հաղարծնում խճապատված փողոցների խիճը, առաջացել են փոսեր: Հաղարծնի սարում բնության տարերքի հետեւանքով ճայռից ընկել եւ սատկել է Հաղարծնի բնակիչ Օնիկ Հախվերդյանի 4 կովը: Գյուղապետարանը ստուգում է Հախվերդյանի կովերի անկման հանգամանքները:
Կարդացեք նաև
Ոսկան ՍԱՐԳՍՅԱՆ
