«Առավոտի» մայիսի 9-ի «Միջին խավի պաշտոնյաները վարկաբեկում են կառավարությունը» հրապարակման մեջ անդրադարձել էինք գործարար Սուսաննա Մարտիրոսյանի այն խնդրին, որ պետական որոշ կառույցներն ու դատարանները խոչընդոտում են իր փոքրիկ բիզնեսի գործունեությանը: Հոդվածում մասնավորապես՝ նշված էր, որ տիկին Սուսաննայի բիզնեսի հետ կապված գործը գտնվում է Վճռաբեկ դատարանում, եւ տիկինը հրապարակմամբ մտավախություն էր հայտնել, որ դատարանը կողմնակալ որոշում կկայացնի, քանի որ «հակառակորդ» կողմի իրավաբանի ամուսինը Երեւան քաղաքի Աջափնյակ եւ Դավիթաշեն վարչական շրջանների ընդհանուր իրավասության դատարանի նախագահ Վարդան Աբրահամյանն է: Հոդվածը հրապարակելուց հետո տիկին Սուսաննան մեզ տեղեկացրեց, որ սխալմամբ է նշել պարոն Աբրահամյանի տվյալները: Տիկնոջ վստահեցմամբ՝ «հակառակորդ» կողմի իրավաբանի ամուսինը ոչ թե Վարդան Աբրահամյանն է, ինչպես գրված էր նյութում, այլ Վճռաբեկ դատարանի դատավոր Վարդան Ավանեսյանը:
«Առավոտ» օրաթերթ
