Հեռուստատեսության եւ ռադիոյի ազգային հանձնաժողովն այսօր 1 միլիոն դրամի վարչական պատասխանատվության ենթարկեց «Կենտրոն» հեռուստաընկերությանը: Հանձնաժողովը հակաքարոզչություն էր համարել մայիսի 6-ին հեռուստաընկերության «էպիկենտրոն» լրատվականով, ուղիղ եթերով հեռարձակված ՀԱԿ համակարգող Լեւոն Զուրաբյանի հայտարարությունը. «Ամենակարեւոր գործոնը ընտրություններին մասնակցությունն է, ու մենք եւս մեկ անգամ կոչ ենք անում ՀՀ ընտրողներին՝ միակ ձեւն այս ընտրակեղծիքների դեմն առնելու այն է, որ բոլորդ ակտիվորեն մասնակցեք ընտրություններին ու ձեր ձայնը որեւէ դեպքում չտաք ընտրակեղծարարության կազմակերպիչներին ու գլխավոր հանցագործներին՝ Հանրապետական կուսակցությանը»:
Հանձնաժողովը լսեց հեռուստաընկերության իրավաբան Արա Սաղոսյանի հակափաստարկները, բայց դրանք հիմնավորված չհամարեց:
«Կենտրոնին» տուգանեցին հանձնաժողովի անդամների միաձայն քվեարկությամբ: Հեռուստաընկերությունը կարող է բողոքարկել հանձնաժողովի որոշումը 15- օրյա ժամկետում:
Արփինե ՍԻՄՈՆՅԱՆ
Կարդացեք նաև
