Կմտնի՞ ԲՀԿ-ն կոալիցիայի մեջ՝ ՀՀԿ-ի հետ՝ Վարդան Օսկանյանը պատասխանեց. «Այս պահի դրությամբ ես չեմ կարող ԲՀԿ-ի անունից խոսել, որովհետեւ այս կապակցությամբ կուսակցությունում կան տարբեր կարծիքներ եւ որեւէ որոշում չկա: Իհարկե վերջում մեծամասնությամբ երեւի թե որոշում կկայացվի: Իմ մասով ասեմ՝ ես անձամբ կտրականապես դեմ եմ, որ ԲՀԿ-ն մտնի ոչ իրական կոալիցիայի մեջ: Ինքս անձամբ պայքարել եմ ողջ ընտրարշավի ընթացքում եւ շարունակելու եմ պայքարել: Կարծում եմ, որ եթե քաղաքական ուժն ունի բացարձակ մեծամասնություն, պետք է ամբողջ պատասխանատվությունը վերցնի իր վրա: Ես ինքս՝ Վարդան Օսկանյանս ոչ իրական կոալիցիայի պատասխանատվությունների տակ չեմ դնի: Մեկնաբանությունները դուք արեք, ամեն ինչ ես չեմ անի»:
Ծառուկյանն, ըստ Օսկանյանի, չի արտահայտել իր վերջնական տեսակետը, սպասում է: Օսկանյանի՝ նախագահի թեկնածու լինելու հետ կապված նա ասաց, որ դեռ շուտ է. «Ես միանշանակ նույնն պատասխանն եմ տվել, դեռեւս այդ հարցի մասին ես չեմ մտաում, վաղ է այդ մասին մտածել»:
Օսկանյանը համոզված է, որ կոալիցիայի մեջ եթե ԲՀԿ-ն չմտնի, երկիրը բնականոն հունով կգնա, ժողովուրդը կշահի, կկարողանան հարցեր բարձրացնել»:
Հռիփսիմե ՋԵԲԵՋՅԱՆ
Կարդացեք նաև
