Հատված քաղաքագետ Լեւոն Շիրինյանի հետ հարցազրույցից
– Ինչպիսի՞ն կլինի ՀԱԿ-ի կեցվածքը։
– ՀԱԿ–ը չի կարող ընդդիմադիրի իր կեցվածքը փոխել։ Եթե ես լինեի նրա փոխարեն, խորհրդարանում կստանձնեի հստակ ուրվագծված ընդդիմության դերակատարությունը, որովհետև որքան որ երկրին նորմալ իշխանություն է պետք, այնքան էլ՝ նորմալ եւ ուժեղ ընդդիմություն։ Մնացածներն իրենց դիրքորոշումները դեռ կճշտեն։ Հո չե՞ն կարող 4-5 տարվա իրենց կենսագրությունը կողքի դնել։ Եթե կողքի դրեցին, Արթուր Բաղդասարյանի օրն են ընկնելու, մնալու են նույն տեղում եւ չեն վայելելու որեւէ հեղինակություն ո՛չ իշխանության մեջ, ո՛չ էլ նրանից դուրս։
– Կարո՞ղ ենք ասել, որ խորհրդարանական ընտրությունները նախագահականի նախադրյալ են։
Կարդացեք նաև
– Ինչպես ես բազմիցս ասել եմ, մայիսի 6-ի ընտրությունները նախադրյալ են նախագահական ընտրությունների համար։ Հայաստանը հստակ տեղափոխվում է նախագահական ընտրությունների իրականություն։ Իսկ թե ինչպե՞ս կխմբավորվեն ուժերը՝ դեռ պարզ չէ։ Բայց այն, որ քաղաքական ուժերի բոլոր քայլերը նախագահական ընտրությունների ենթատեքստ ունեն՝ հստակ է։ Դա նաեւ վատ է, քանի որ խորհրդարանական ընտրությունները
մնում են ստվերում։
Լիլիթ ՎԱՀԱՆՅԱՆ
«Հայացք»
