Կենտրոն եւ Նորք-Մարաշ վարչական շրջանների ընդհանուր իրավասության դատարանում, դատավոր Գագիկ Պողոսյանի նախագահությամբ, 40 րոպե ուշացումով սկսվեց ՀԱԿ ակտիվիստներ Տիգրան Առաքելյանի, Սարգիս Գեւորգյանի, Դավիթ Քիրամիջյանի եւ Արտակ Կարապետյանի դեմ հարուցված քրեական գործով դատավարությունը: Դատականի նիստի ուշ սկսվելու պատճառը դատախազ Հակոբ Մարտիրոսյանն էր, որը այսօրվա նիստը շփոթել էր մայիսի 12-ի հետ: Սակայն դատական նիստը տեւեց 2 րոպե, քանի որ գործով 2 վկաները՝ Ամիրջանյանը եւ Մարտիրոսյանը, չէին ներկայացել, իսկ ոստիկանությունը դատարանի կողմից նրանց նկատմամբ բերման ենթարկելու որոշումը չէր կատարել: Դատախազ Մարտիրոսյանը ուշադրություն հրավիրեց ոստիկանների անգործության վրա եւ ասաց, որ ինքը ընդամենը ցանկացել է օժանդակել վկաներին դատարան բերելու հարցում: «Սակայն այն տպավորությունն է ստացվում, թե ես եմ մեղավոր, որ նրանք դատարան չեն եկել: Ես նման դատավարական պարտավորություն չունեմ»,- ասաց նա: Դատական նիստը նշանակվեց մայիսի 24-ին:
Ռուզան ՄԻՆԱՍՅԱՆ
