Հատվածներ մայիսի 4-ին Հանրապետության հրապարակում արձանագրված դժբախտ պատահարի պատճառների մասին ՀՀ ազգային անվտանգության նախկին փոխնախարար, ՍԴՀԿ անդամ Գուրգեն Եղիազարյանի հետ հարցազրույցից:
– Պարոն Եղիազարյան, ինչո՞ւ է բացահայտումն ուշանում։
– Սերժ Սարգսյանի հանրահավաքներին մարդկանց ապահովելու համար կազմակերպում են համերգներ։ Երբ կազմակերպիչները զգում էին, որ բավարար մարդ կա հավաքված, անմիջապես Սերժ Սարգսյանը սկսում էր հանրահավաքը։ Հիմա այդտեղ ի՞նչ բացահայտում կա, որ չեն բացահայտել մինչեւ օրս։ Հայտնի է մեքենան, փուչիկ բաժանողը, ովքեր են բերել եւ տվել։ Դրա մասին, իհարկե, չեն բարձրաձայնելու, թե ինչպես է եղել։ Եթե բարձրաձայնեն, ապա բոլորը կիմանան, որ երեխաների մեծ մասին հանել էին ուսումնական կենտրոններից, բուժաշխատողներին՝ նույնպես եւ բերել էին ստիպողաբար։ Երկաթե ցանցերով շրջափակել էին մարդկանց, որպեսզի դուրս չգան շարքերից։ Իրենց ծրագիրը ճիշտ եւ ճիշտ հիշեցնում է փուչիկներ։ Ամենայն հավանականությամբ, իներտ գազ չեն ունեցել եւ լիցքավորել են սովորական գազով, այնքան, որ թեթեւ լինի եւ օդ բարձրանա։
– Պարոն Եղիազարյան, Ձեր կանխատեսմամբ՝ ինչպե՞ս կավարտվի այս գործը։
Կարդացեք նաև
– Լռությամբ։ Իրենք դա չեն բարձրաձայնի։ Քանի որ ոչ ոք հրապարակ չէր գնացել նախագահի ելույթը լսելու։ Գնացել էին համերգի ու փուչիկների համար։ Դա է պատճառը, որ ինչքան լուռ մնան այս հարցի շուրջ, այնքան իրենց օգուտն է։
Սյունէ ՀԱՄԲԱՐԶՈՒՄՅԱՆ
«Ժողովուրդ»
