Քաղաքագետ Սերգեյ Շաքարյանցը Aravot.am-ի հետ զրույցում մեկնաբանելով գրավյալ տարածքների վերադարձման հավանականության հետ կապված լուրերը՝ շեշտեց. «Դա հնարավոր չեմ համարում: Այնտեղ ցանկացած բարձունք իր ռազմադաշտային նշանակությունն ունի: Այս լուրերը սկսեցին տարածվել մամուլում Ղարաբաղի նախագահի փետրվարյան հարցազրույցներից մեկի պատճառով, նաեւ մեր իշխանությունների կողմից, բայց, այնուամենայնիվ, ինչ էլ որ լինի, տարածքային հարցը ստիպված կլինեն ուղիղ բանակցությունների ձեւով լուծել Ղարաբաղի հետ միասին»: Քաղաքագետը նշում է. «Ղարաբաղի հայությունը էշ չէ ու չի համապատասխանում այդ բնութագրմանը, նրանք տարածքների հարցում բավական խորատես ու խորամանկ մտածող ժողովուրդ են: Ղարաբաղը երբեք զիջումների չի գնա: Բացի այդ, Ղարաբաղի հարավային սահմանը Իրանի հետ, որեւէ մեկին չի հանձնվի: Աստված չանի, եթե սկսի հանձնվել, ապա հավաստիացնում եմ՝ կգա իսկական տերը, ըստ Թուրքմենչայի պայմանագրի. ոչ թե ՆԱՏՕ, Ամերիկա, Ռուսաստան, այլ՝ Իրանի զորքերը կմտնեն այդ տարածք»:
Եվա ՀԱԿՈԲՅԱՆ
