Pan ARMENIAN Photo
«Եվրոպան ծափահարեց, միջազգային դիտորդները հիացմունքից ուշաթափվեցին, իսկ Հայաստանի քաղաքացիները մի քանի օր է՝ չգիտեն ինչ ասեն` նման այն կուսակցությունների, որոնք իրենց վերջնական խոսքը կարծես թե դեռ չեն ասել»,- մայիսի 6-ի ընտրությունների մասին իր տպավորությունները Aravot.am-ին հայտնեց գրող, հրապարակախոս Կարինե Խոդիկյանը:
Նրա կարծիքով, աննախադեպ խորհրդարան է ձեւավորվելու, իր տեսակը չունեցող՝ «հայկական ժողովրդական խորհրդարան»: «Առայժմ մի բան է աներկբա, պարզվեց, որ Հանրապետական կուսակցությունը այդքան մեծ թվով իրեն հավատացող ու երկիրը փոխող քաղաքացիներ ունի: Կուտակումների, թանաքի ցնդելուց, ամեն ինչից երեւաց , որ աննախադեպ ընտրություններ էին եւ աննախադեպ է նաեւ այն, որ ում խոսեցնում ես՝ դժգոհ են իշխանություններից, բայց մեծամասնությունը իշխանություններին է վերընտրում, իհարկե, առաջիկայում էլ փոփոխությունները աննախադեպ կլինեն, իսկ թե ի՞նչ աննախադեպ, պետք է սպասել, թե երբ փակագծերը կբացվեն»,- հավելեց տիկին Խոդիկյանը:
Արփինե ՍԻՄՈՆՅԱՆ
