Ընտրություններին երկու դեպք հայտնաբերվեց, երբ ընտրողը մի դեպքում պատռած, մյուս դեպքում առանց պատռելու 10 հազարական դրամ էր դրել քվեաթերթիկի ծրարում՝ «բգներիդ կանգնի», «չեք մարսելու» գրառմամբ: Այսօր Aravot.am-ը ԿԸՀ նախագահ Տիգրան Մուկուչյանից հետաքրքրվեց, թե ի՞նչը կարող էր ըստ նրա՝ ստիպել ընտրողին նման քայլ անել: Նա պատասխանեց. «Երկու դեպք է եղել այդպիսի, հիմա երկու ընտրողն էլ ունեն խիստ յուրօրինակ վերաբերմունք՝ որեւէ երեւույթի նկատմամբ: Այս պարագայում ի՞նչն է ստիպել, ես կարծում եմ՝ քվեարկության գաղտնիության սկզբունքի պահպանությունը մեզ հնարավորություն չի տա երբեւէ բացահայտելու, թե ովքեր են եղել այդ քաղաքացիները, որ կարողանանք հասկանանք, թե ինչից դրդված են դիմել նման քայլի: Դա եղել է վերջիններիս իրավական դիրքորոշման արդյունքը: Եթե հիշում ենք, մենք հայտնաբերել ենք ժամանակին քվեաթերթիկ՝ շրթներկի հետքերով: Հիմա ինչն է ստիպել ընտրողին այդպես վարվել քվեաթերթիկի հետ՝ սեփական կամաարտահայտությունը»:
Հռիփսիմե ՋԵԲԵՋՅԱՆ
