Aravot.am-ի հետ զրույցում «Քաղաքական եւ միջազգային հետազոտությունների կենտրոնի» փորձագետ Ռուբեն Մեհրաբյանը, անդրադառնալով նոր գումարման խորհրդարանում ՀԱԿ-ԲՀԿ հնարավոր համագործակցությանն ու դրանով ՀՀ նախկին նախագահ Ռոբերտ Քոչարյանի համար քաղաքականություն վերադառնալու համար ճանապարհ հարթելու հնարավորություններին, ասաց. «ԲՀԿ-ն ու ՀԱԿ-ն ԱԺ-ում էլ կհամագործակցեն, եթե ֆորս-մաժորային իրավիճակ չլինի: Բայց նույնսիկ այդ դեպքում Քոչարյանի վերադարձը թեեւ գործնականում բացառել չի կարելի, բայց հիմա, երբ ընտրությունների արդյունքներն ամրագրվել են, դա զուտ տեսականորեն է հավանական: Ես կարծում եմ՝ ի վերջո, որոշիչն այդ հարցում այն չէ, թե ինչ կպայմանավորվեն ԲՀԿ-ն ու ՀԱԿ-ը, որոնց միջեւ պայմանավորվածությունները, ի դեպ, հանրության շահերի հետ հեռավոր կապ անգամ ունենալ չեն կարող, այլ, բարեբախտաբար, որոշիչն այն է, թե ինչպես դա կընկալի հանրությունը: Իսկ ես կարծում եմ, որ հանրության մեջ Քոչարյանի վերաբերյալ բացասական ընկալումները, գոնե իմ տպավորությամբ, շատ ավելի գերակայող են, քան՝ դրական սպասելիքները»:
Փորձագետի հետ հարցազրույցը կարդացեք «Առավոտի» մայիսի 9-ի տպագիր համարում:
Նաիրա ՄԱՄԻԿՈՆՅԱՆ
