Այսօր Հրանտ Բագրատյանը ՀԱԿ հանրահավաքին նշեց, որ իշխանությունները ընտրակաշառքի փողը առաջիկա երեք օրում հանելու են. «Գնացել է Ղարաբաղ, որ տենա ինչ անի, ոնց անի»:
Անդրադառնալով Արամ Մանուկյանի հայտնած թվերին, որ 84 մարդաևոց գյուղ կա՝ քվեարկել է 86 մարդ, նա նշեց, որ «կգան կասեն՝ էդ գյուղում սխալվել եմ, ախպե՛ր: Սրանք մի քիչ հետաքրքիր են, կատվի պես են, ոնց գցում ես՝ չեն ընկնում: Էսի դարձել է սուտի, չկայացած, իրան կայսր պատկերացրած մի մարդ, որ երկիրը տանում է կործանման, մենք պիտի թո՞ւյլ տանք: Մի քանի մարդը հերիք են լինելու, որ Սերժ Սարգսյանը ծնկաչոք խնդրի՝ իր հետ մեղմ վարվելու համար, ես ասում եմ՝ մի քանի մարդը հերիք են լինելու»:
Արամ Մանուկյանը ավելացրեց, որ ինքն այս հրապարակը երբեք չի լքելու, այն իր տունն է դարձրել. «Ես եթե գնում եմ պառլամենտ, ինձ միայն ցավակցեք, այնտեղ այնպիսի դեմքեր եմ տեսնելու՝ սնամեջ, գիրք չտեսած: Մեր հրապարակը լինելու եք դուք: Ինձ համար սիմվոլ էր, որ Աջափնյակում մի քաղաքացի ծրարում տասը հազար դրամ դրել էր ու գրել՝ կաշառքը կերեք, չեք մարսելու: Ես հպարտանում եմ այդ քաղաքացիով»:
Հռիփսիմե ՋԵԲԵՋՅԱՆ
Կարդացեք նաև
