Այսօր ՀԱԿ հանրահավաքին Լեւոն Տեր- Պետրոսյանը նախ շնորհակալություն հայտնեց այն քաղաքացիներին, ոքվեր իրենց ձայն են տվել. «Չեմ ուզում խոսել ընտրակաշառքի, կրկնաքվեարկության մասին, խոսել դրանք ընտրություններ կոչելու ծաղրի մասին: Եթե ՀՀԿ-ականները կարծում են, թե արդար հաղթանակ են տարել, թող կարծեն, եթե պնդում են, թե Հայաստանի պատմության լավագույն ընտրություններն են անցկացրել՝ թող պնդեն: Չնայած դիտորդների նշած բազմաթիվ թերություններին` այս ընտրությունները օրինական են համարում, թող համարեն: Հայաստանի իշխող վարչախումբը մնալու է տգետների, գողերի, մարդասպանների նույն խաժամուժը: Աշխարհը Սերժ Սարգսյանի վարչախմբին գուրգուրելու է այննքան ժամանակ, քանի դեռ չի կորզել նրանից հայ եւ թուրք պատմաբանների հանձնաժողովի կազմավորումը: Ահա սա է կեղծված ըտրությունների այն գինը, որը Սերժ Սարգսյանը վճարելու է իր դայակներին: Իրենց ձայները վաճառողները, ժողովրդի կամքի վրա բռնացած բոլոր մանր ու միջին պաշտոնյաները դա շուտով իրենց մաշկի վրա են զգալու»:
Հռիփսիմե Ջեբեջյան
