Մայիսի 4-ին, ընտրություններից 2 օր առաջ ինկասացիայի մեքենան Նոյեմբերյան է տեղափոխել թիվ 40 ընտրատարածքի քվեաթերթիկները: Ինկասատորները Նոյեմբերյան քաղաք մտնելով՝ հեռախոսով կապ են հաստատել թիվ 40 ընտարատարածքային ընտրական հանձնաժողովի նախագահ Գագիկ Աբովյանի հետ: Վերջինս ինկասատորներին հրահանգել է ընտրատարածքային ընտրական հանձնաժողով հասնելու համար Նոյեմբերյանի քաղաքապետարանի շենքից ձախ թեքվել: Քիչ անց, համոզվելով, որ մեքենան տեղ չի հասել,Գագիկ Աբովյանը նորից է զանգահարել: Պարզվել է, որ ինկասացիայի մեքենան կանգնել է ՀՀԿ Նոյեմբերյանի շտաբի առաջ: Գ. Աբովյանը նրանց հրահանգել է շտապ հեռանալ այդտեղից: Քվեաթերթիկները տրցակներն ստանալով եւ ստուգելով՝ թիվ 40 ԸԸՀ նախագահը համոզվել է, որ դրանք անձեռնմխելի են:
Ոսկան ՍԱՐԳՍՅԱՆ
