Հելսինկյան քաղաքացիական ասամբլեայի Վանաձորի գրասենյակը մայիսի 6-ին ԱԺ ընտրություններում դիտորդական առաքելության շրջանակներում արձանագրել է, որ կնիքների օքսիդացումը ծառայել է կրկնակի քվեարկությունների համար:
Գրասենյակի ղեկավար Արթուր Սաքունցը մեր զրույցում ասաց, որ մի կնոջ անձամբ են բռնացրել «հանցանքի վայրում». «Ճանաչելով ենք այդ կնոջը ֆիքսել, եկել էր, որովհետեւ դրոշմակնիքի թանաքը շուտ էր անցել: Դրոշմակնիքը կրկնակի քվեարկությունների բացառմանն էր ուղղված, չէ՞, բայց դրոշմների օքսիդացման դեպքում կրկնակի քվեարկություններ ենք արձանագրել»:
Հիշեցնենք, որ ՀՀԿ փոխնախագահ Գալուստ Սահակյանն այսօր ասել էր, թե եթե լիներ գոնե մեկ դեպք, երբ դրոշմակնիքի անհետացման դեպքում կրկնակի քվեարկության են գնացել, դիտորդները ներկայացրած կլինեին: Պարոն Սաքունցն այս առնչությամբ ասաց.«Կան հանձնաժողովներ, որոնք գրանցամատյանում արձանագրել են, օրինակ՝ կազմակերպության դիտորդը դիմել է նախագահին արձանագրություն կազմելու համար, նախագահը պատասխանել է, որ ընտրողները քույրեր են եղել ու շփոթել անձնագրերը»:
Արթուր Սաքունցի տպավորությամբ, քաղաքական խաղերը այս ընտրություններում զրկել են ընտրողին իրական ընտրություն կատարելուց:
Կարդացեք նաև
Արփինե ՍԻՄՈՆՅԱՆ
