Արաբկիր եւ Քանաքեռ-Զեյթուն վարչական շրջանների ընդհանուր դատարանի դատավոր Լեւոն Ավետիսյանը չկարողացավ սկսել Վարդան Հովհաննիսյանի նկատմամբ հարուցված քրեական գործով անդրանիկ դատական նիստը: Դատական նիստը նշանակվել էր ժ.12-ին, սակայն 40 րոպե էր անցել, եւ դատախազը չկար: Չկար նաեւ տուժող Գեորգի Մադարյանը:
Դատարան էր բերվել ամբաստանյալը, որի պաշտպանությունն իրականացնող պաշտպանը՝ Գեղամ Հակոբյանը դատարանին ներկայացրեց ՀՀ փաստաբանների պալատի կողմից 04.09.2008թ.տրված վկայականը:
Վարդան Հովհաննիսյանը, ըստ նախնական տեղեկատվության, մեղադրվում է «Օջախ» շինանյութի խանութի տարադրամի կետից «բռնությամբ, դիմակներով, բանալիներով, 3 հոգով» 2. 593.959 ՀՀ դրամ հափշտակելու համար:
Ի դեպ, Վարդան Հովհաննիսյանի համար ՀՀ ոստիկանության վիճակագրության կենտրոնը տվել էր ինֆորմացիա՝ նախկինում նրա դատվածության վերաբերյալ: Սակայն պարզվել էր, որ 40-ամյա Վարդանը նախկինում դատված չէր եղել:
Կարդացեք նաև
Պարզապես դատված էր եղել նույնատիպ տվյալներով մեկ ուրիշ Վարդան:
Դատական նիստը հետաձգվեց եւ այն նշանակվեց մայիսի 29-ին:
Ռուզան ՄԻՆԱՍՅԱՆ
