Աիդա Սարգսյան
Ընտրական տեղամասում քվեների հաշվարկն ավարտվելուց հետո Դիլիջան քաղաքի 41/04 տեղամասային հանձնաժողովի նախագահ Հասմիկ Սմբատյանը Տավուշի մարզի թիվ 41 ընտրատարածքում մեծամասնական ընտրակարգով 3 թեկնածուների քվեաթերթիկները պարկով է բերել Իջեւան՝ թիվ 41 ԸԸՀ: Հասմիկ Սմբատյանի ձեռքում եւ ոչ թե պարկում են եղել այս ընտրատարածքի 4-րդ թեկնածուի, ՀՀԿ անդամ Հակոբ Հակոբյանի (որի ընտրությունների արդյունքում պատգամավոր վերընտրվեց) օգտին տրված քվեաթերթիկները:
«Հակոբյանի քվեաթերթիկները գրկին մտավ ներս», – ասաց թիվ 41 ԸԸՀ նախագահ Աիդա Սարգսյանը: Վերջինս այս ընտրատարածքում ձայների թվով երկրորդ տեղը զբաղեցրած թեկնածու Վահե Վարդապետյանի կինն է:
Ընտրական օրենսգրքի այս խախտման վերաբերյալ հանձնաժողովն արձանագրություն է կազմել: Տիկին Աիդան մեր զրույցում ասաց, որ ամուսնու չընտրվելու պատճառով ինքը չի վհատվել, ծանր ապրումներ չի ունեցել:
Ոսկան ՍԱՐԳՍՅԱՆ
