«Մայիսի 6-ի ընտրություններով Հայաստանի համար նոր փուլ է սկսվում, նման ընտրություններ նույնիսկ ԱՊՀ երկրներում չեն եղել, դիտորդների մի մասն էլ անգամ Կենտրոնական Եվրոպայի ընտրությունների հետ էին համեմատում»,- հավատացնում է ՀՀԿ փոխնախագահ Գալուստ Սահակյանը՝ չհամաձայնելով, որ ընտրությունների օրը ՀՀԿ-ն ակտիվ ընտրակաշառք է բաժանել.«Պարզապես պրովակացիա է, կարծում եմ, ընտրություններից հետո այդ խոսակցություններին չպետք է գնահատական տանք, պարզապես մարդիկ ցավով են ընդունում, որ լավ ու արդար ընտրություններ անցան…Հայաստանում ավելի մեծ ժողովրդավարական զարգացումներ են տեղի ունենալու»:
Կնիքների օքսիդացման փաստն էլ պարոն Սահակյանի համար ոչ թե ընտրախախտում, այլ տեխնիկական գործընթաց էր. «Մեզանում առաջին անգամ կիրառելի, ու դա շահարկեցին , թե կնպաստի քաղաքացիների կրկնակի քվեարկությանը, բայց գոնե նմանատիպ մեկ դեպք չներկայացրին, իհարկե, թերություններ ու խոսակցություններ եղան, որոնք, սակայն, ոչ որակի, ոչ էլ արդյունքների վրա չեն կարողացել ազդել»:
Թե ինչու ՀԱԿ-ի քվեները հիմնականում աճեցին երեկ առավոտյան , պարոն Սահակյանը բացատրեց. «Սովորաբար էլեկտրոնային փոստով է եկել, ու բոլորը կարող էին դիտարկել, բացառված չէ, որ վերլուծությունների արդյունքում թվերի մեջ փոքրիկ տարբերություն առաջանա. այսինքն հիմա՞ էլ մեղադրում եք, որ ՀԱԿ-ին էլ ենք մեզ հետ տանում խորհրդարան: ՀԱԿ-ի ձեռքբերումն է, ու այդ ձեռքբերումը չի կարելի վերագրել մի ուրիշ քաղաքական թիմի»:VOICE114
Կարդացեք նաև
Արփինե ՍԻՄՈՆՅԱՆ
