Երգչուհի Նադեժդա Սարգսյանը այսօր պատրաստվում է զանգահարել Մշակույթի նախարարություն՝ ահազանգելու Երեւան-Սեւան մայրուղու՝ Չարենցավանի հատվածում տեղադրված ամուսնու ՝ քանդակագործ Դավիթ Բեջանյանի «Հավերժության ժապավեն» պղնձաձույլ արձանի թալանի մասին: Հիշեցնենք, որ նախօրեին արձանի թալանի մասին ահազանգ էր ստացել «Առավոտ» օրաթերթը: Տիկին Սարգսյանը մեզ հետ զրույցում ասաց, որ այդ լուրը լսել է երեկ. «Մարզպետարանն արդեն երկու տարի է խոստացել է, որ արձանը պետք է վերանորոգվի, բայց ոչինչ չեն արել: Թալանի մասին էլ չէինք իմացել, Էմման է ճանապարհին տեսել, հիմա պատրաստվում եմ զանգել նախարարություն, տեսնենք ինչ ենք անելու»:
Արփինե ՍԻՄՈՆՅԱՆ
