Լրագրողները այսօր միջազգային դիտորդներից հետաքրքրվեցին միասնական շտաբի արձանագրած ցնդող կնիքներից: Ի պատասխան՝ Ֆրանդուա-Խավիեր դե Դոնեան ասաց. «Երբ դեղագործից լուծույթ ես առնում՝ օգտագործելուց առաջ շիշը պետք է թափ տալ, դա մի բան է, որը որոշ ՏԸՀ-ի նախագահներ մոռացել էին անել: Երբ նկատեցին, որ չափից արագ է սկսում անհետանալ՝ փոխեցին, ուրիշ թանաք սկսեցին օգտագործել, որոշները սկսեցին պաշտոնական թանաք օգտագործել, իհարկե, ցավալի է, որ դա տեղի ունեցավ, բայց վստահ չեմ՝ նշանակալի ազդեցություն ունեցա՞վ դա ընտրությունների արդյունքների վրա, թե՞ չէ»:
ԺՀՄԻԳ-ի ներկայացուցիչ Ռադմիլա Շեկեռինսկան ասաց, որ ցավով է արձանագրում այն, որ ԿԸՀ-ն չէր փորձարկել թանաքը, ինչը մեծ դժվարությունների տեղիք տվեց, եղան դեպքեր, որ ՏԸՀ-ներն այլ ընթացքով առաջնորդվեցին. «Փոխանակ շշերը թափ տալու, թափ տվեցին որոշ դրույթներ»:
Հռիփսիմե ՋԵԲԵՋՅԱՆ
