Սյունիքի թիվ 38 ընտրատարածքում ԱԺ պատգամավորների ընտրություններին 55 հազար 936 ընդհանուր ընտրողներից մասնակցել է 41 հազար 74 բնակիչ: Կապան, Քաջարան, Մեղրի եւ Ագարակ քաղաքներն ու տարածաշրջանների գյուղերն ընդգրկող ընտրատարածքում համամասնական ընտրակարգով ձայների գերակշիռ առավելությամբ առաջատարը Հանրապետական կուսակցությունն է` 21 հազար 680 քվեով:
«Բարգավաճ Հայաստան» կուսակցությունը բնակիչներից ստացել է 9 հազար 964 քվե: Երրորդ տեղում ՀՅԴ-ն է, որի օգտին քվեարկել է 2 հազար 527 ընտրող: ՀՅԴ-ին հաջորդում է ՕԵԿ-ը` 1829 ձայնով: 1636 բնակիչ էլ քվեարկել է ՀԱԿ-ի օգտին, եւս 1253 սյունեցի սատարել է «Ժառանգությանը»:
Թիվ 38 ԸԸՀ-ի տվյալներով` Հայաստանի կոմունիստական կուսակցությունը 2 տարածաշրջաններից հավաքել է 455 քվե, ընդամենը 100 ձայն գրանցվել է Դեմկուսի եւ 55 ձայն «Միավորված հայեր» կուսակցության օգտին: Անճշտությունների թիվը կազմում է 66:
Մերի ՍՈՂՈՄՈՆՅԱՆ
