ԲՀԿ-ի խախտումները արձանագրե՞լ է միասնական շտաբը: Լրագրողները այս հարցը տվեցին Վարդան Օսկանյանին: Ըստ նրա, բոլոր խախտումներն էլ արձանագրվում են:
Տեր-Պետրոսյանը խոսելով ԲՀԿ-ՀՀԿ հակասություններից՝ ասաց. «ՀՀԿ-ն սովոր էր, որ ԲՀԿ-ն պետք է լինի իր կրտսեր գործընկերը, հիմա ԲՀԿ-ն ուզում է անկախ լինել, իր արժանի տեղը զբաղեցնել խորհրդարանում, հիմա դա դո՞ւր է գալիս ՀՀԿ-ին»: Ըստ նրա, ՀՀԿ-ի համար գոյություն ունի տիրոջ եւ ենթակայի հարաբերություն, նրա համար չկա գործընկերոջ հարաբերություն, իսկ ՕԵԿ-ի դեպքում խնդիր չկա:
Հարցին՝ դուք ո՞ր դաշտում եք Ձեզ տեսնում՝ ընդդիմությա՞ն, թե՞ իշխանության, եւ եթե արդյունքները չբավարարեն՝ ինչ քայլերի եք դիմելու՝ Տեր-Պետրոսյանը պատասխանեց՝ բոլոր հնարավոր օրինական միջոցները՝ չբացառելով միտինգները:
ՀՅԴ ներկայացուցիչ Սպարտակ Սեյրանյանն էլ անդրադարձավ «Ժառանգության» տարածած հայտարարությանը, թե ԲՀԿ-ն ու ՀՅԴ-ն ընտրակաշառք են բաժանել: Ըստ նրա, դա սադրանք է եւ մրցակից կուսակցության նկատմամբ չի նկարելի հակաքարոզչություն անել:
Կարդացեք նաև
Հռիփսիմե ՋԵԲԵՋՅԱՆ
