Մեջբերում հրապարակումից:
«Կեսօրին թիվ 4/4 ընտրատեղամասում վստահված անձինք ընտրակեղծիքի 3 դեպք են կանխել. «Ժամանակավոր, փաստացի գրանցված քաղաքացուն մեծամասնական ընտրակարգով ընտրելու քվեաթերթիկ են տվել, ինչն արգելվում է օրենքով, քանի որ նրանք միայն իրավունք ունեն քվեարկելու համամասնական ցուցակով»: Սաթիկ Սեյրանյան
Մեջբերման պատասխան.
4/4 ընտրատարածքի հանձնաժողովի անդամ, անկուսակցական Անահիտ Ղազարյանը տեղեկացրեց, որ վերոհիշյալ խախտումների մասին տեղեկությունները չեն համապատասխանում իրականությանը, քանի որ հանձնաժողովին տվյալ խախտմամբ չի եղել զեկույց որևէ վստահված անձի կողմից և չի կազմվել համապատասխան խախտման արձանագրություն, ինչը հավաստեց նաև տվյալ տարածքի հանձնաժողովի նախագահը: Ուստի և տվյալ տեղեկությունը չունի որևէ հավաստիություն:
Կարդացեք նաև
Մեջբերում.
«4/33-ում ընտրության եկած Արաբկիրի մի բնակիչ էլ հայտնաբերել է, որ իր փոխարեն արդեն քվեարկել են»: Սաթիկ Սեյրանյան
4/33 ընտրատարածքի հանձաժողովի նախագահ Թաթուլ Կարապետյանը տեղեկացրեց, որ տվյալ միջադեպը արձանագրության մեջ գրանցվել է որպես «սխալմունք մեքենայության հետևանքով», այլ ոչ թե խախտում: Որոշ մարդիկ, ինչպես նաև «Կենտրոն» հեռուստատեսության նկարահանող խումբը, տվյալ միջադեպին փորձ են արել հաղորդել մեծ աղմուկ, որն իրականում ձևական բնույթի է եղել: Սխալմունքի զոհ դարձած Լևոն Պետրոսի Ալեքսանյանին հնարավորություն է տրվել լիարժեք կերպով մասնակցել ընտրություններին:
Մեծաքանակ խմբերով մարդկանց տեղափոխման վերաբերյալ տեղեկությունների շուրջ մեկնաբանությունները համարում ենք անիմաստ, քանի որ մարդկանց հոսքը ոչ մի կերպ չի վերահսկվում շտաբի կողմից:
Երևանի թիվ 4 ընտրատարածքում ԱԺ պատգամավորի թեկնածու
Արտակ Սարգսյանի նախընտրական շտաբ
