Լուսանկարում՝ Էլինա Չիլինգարյանն է
Aravot.am-ը Խոսքի ազատության պաշտպանության կոմիտեի (ԽԱՊԿ) նախագահ Աշոտ Մելիքյանից հետաքրքրվեց, թե ի՞նչ խախտումներ եւ ահազանգեր են արձանագրել մինչ 15:15-ը: Պարոն Մելիքյանն ասաց, որ այս պահին ուսումնասիրում են այն խախտումները, որոնց մասին տեղեկություններ կան սոցցանցերում եւ կայքերում : «Ուղիղ մեզ միայն Անահիտ Բախշյանն է դիմել, զանգել ենք նաեւ «Ազատություն» ռադիոկայանի թղթակից էլինա Չիլինգարյանին՝ պարզելու համար ֆիզիկական բռնություն եղե՞լ է, թե՞ ոչ: Նա այս պահին գտնվում է ոստիկանությունում»:
Ինչ վերաբերում է մեծամասնական ընտրակարգով առաջադրված պատգամավորության թեկնածու Անահիտ Բախշյանին, նա ահազանգել էր նաեւ դատախազության «թեժ գծին» եւ հայտնել, որ թիվ 12/9 ընտրական տեղամասի հարեւանությամբ մի կին ընտրակաշառք է բաժանում։
Հիշեցնենք, որ Խոսքի ազատության պաշտպանության կոմիտեի «թեժ գիծ» կարել է զանգել (010) 53-38-95, (093) 10-70-85 հեռախոսահամարներով եւ կապվել էլեկտրոնային փոստի [email protected] հասցեով:
Գոհար ՀԱԿՈԲՅԱՆ
Կարդացեք նաև
