Կոտայքի մարզի 27-13 ընտրական տեղամասում ականատես եղանք ընտրախախտումի: Հրաչ Պողոսյանը, որը եկել էր մասնակցելու քվեարկության՝ հայտնաբերեց, որ իր փոխարեն քվեարկել են: Նա դիմեց հանձնաժողովի նախագահ Արշակ Պետրոսյանին եւ պահանջում էր, որպեսզի թույլ տան քվեարկել. «Ես իմ ձայնը պիտի տամ: Ո՞վ է քվեարկել իմ փոխարեն»: Ի դեպ, Մարդու իրավունքների պաշտպանի գրասենյակի արագ արձագանքման խումբը եւս ականատես եղավ միջադեպին:
Այս ընտրատարածքում սա 3-րդ դեպքն էր, երբ քվեարկել էին ուրիշի փոխարեն: Չնայած Արշակ Պետրոսյանն ասում էր, որ վստահված անձանցից որեւէ մեկից գրավոր բողոք չի ստացել, սակայն բողոք իրականում եղել էր ԲՀԿ ներկայացուցչից:
Ռուզան ՄԻՆԱՍՅԱՆ
