Խոսքի ազատության պաշտպանության կոմիտեն (ԽԱՊԿ) ունի «թեժ գիծ», որի (010) 53-38-95, (093) 10-70-85 հեռախոսահամարներով, էլեկտրոնային փոստի [email protected] հասցեով կարելի է ահազանգել, եթե ընտրությունների լուսաբանման ընթացքում խախտված լինեն իրավունքները: ԽԱՊԿ արագ արձագանքման խումբը պատրաստ է տեղում ուսումնասիրել ստացված ահազանգերը եւ ձեռնարկել համապատասխան միջոցներ:
Aravot.am-ը ԽԱՊԿ նախագահ Աշոտ Մելիքյանից հետաքրքրվեց 11:45-ի դրությամբ եղե՞լ են ահազանգեր: Պարոն Մելիքյանն ասաց, որ այս պահին որեւէ ահազանգ չկա, հաշվառում են այն ամենը, ինչը որ Facebook-ում է, ԳԱԼԱ-ի երեկ տարածած հայտարարությունը եւ այլն: «Մյուս կողմից էլ մենք ահազանգելու բան ունենք՝ առավոտվանից մեր կայքը չի գործում ու ստիպված ենք Facebook-ով եւս մեկ անգամ հիշեցնել մեր թեժ գծի համարն ու էլեկտրոնային հասցեն: Կապվեցինք ABC domain-ի հետ, ասել են՝ այստեղ խնդիր կա, մասնագետ ենք կանչել, կշտկվի, բայց մինչեւ այս պահը մեր կայքը չի գործում»:
Աշոտ Մելիքյանի հեր զրույցից հետո, khosq.am-ը սկսեց գործել:
Գոհար ՀԱԿՈԲՅԱՆ
Կարդացեք նաև
