«Մաքս-ինֆո» լրատվական-վերլուծական գործակալության դիտորդ Ալեքսանդր Սերովն Aravot.am-ի հետ զրույցում ահազանգեց, որ Գորիս քաղաքում տեղակայված ընտրատեղամասերում, ինչպես նաեւ Քարահունջ համայնքում, կնիքները, որոնք դրվում են անձնագրում` ընտրելուց հետո, 15 րոպե անց անհետանում են: Դիտորդը մտավախություն հայտնեց, որ դա մտածված է, կրկնակի ընտրություն իրականացնելու համար: Հիշեցնենք, որ ըստ պատկան մարմինների հավաստիացումների, կնիքը պետք է ընտրողի անձնագրում պահպանվի ամենաքիչը 12 ժամ:
Փաստի առիթով դիտորդն ահազանգել է տեղամասերում քաղաքական ուժերի ներկայացուցիչներին: Համապատասխան արձանագրություններ են կազմվել, ներկայացվել են ԸԸՀ-ին, ԿԸՀ-ին: Պաշտոնական արձագանք դեռեւս չկա:
Ավելի ուշ մեր զրուցակիցը խոստացավ նաեւ տեսանյութ ներկայացնել:
Հիշեցնենք, որ քիչ առաջ ԿԸՀ-ն արդեն պարզաբանել է կնիքների ցնդելու հարցը: Կարդացեք այստեղ:
Կարդացեք նաև
Նելլի ԳՐԻԳՈՐՅԱՆ
