Եթե ընտրություններին իշխանական լծակները չօգտագործեն շատ ուժեր՝ խորհրդարանում չեն լինի, այդ առումով ՀՀԿ-ն էլ մեծ խնդիր կունենա: Այսօր նման կարծիք հայտնել Դաշնակցություն խմբակցության քարտուղար Արտյուշա Շահբազյանը: Ի պատասխան՝ ՀՀԿ փոխնախագահ Գալուստ Սահակյանը Aravot.am-ին ասաց. «Յուրաքանչյուր կուսակցություն ունի այն, ինչ ունի, գնում է այն ուժերով, ինչ ունի, բայց դրանք իշխանական ուժեր համարել չի կարելի: Երեւի իրենք իշխանության մեջ եղել են, օգտագործել են, այդ փորձից են ասում»:
Պարոն Սահակյանից հետաքրքրվեցինք՝ ընտրություններում ՀՀԿ-ն ի՞նչ ուժեր է օգտագործում .«Բոլոր ուժերը , եթե նախարարը մեր կուսակցության անդամ է, պետք է գա մեզ ընտրի, եթե կուսակցության անդամ է կամ պաշտոն ունի՝ պետք է գան մեզ ընտրեն: Իշխանական լծակներ ենք համարում այն, որ գնանք մարդկանց ճնշենք»:
Գալուստ Սահակյանը պատասխանելով ՀՀԿ-ի մասին անեկդոտներ պատմողներին (հիշեցնենք, որ օրեր առաջ Վահան Հովհաննիսյանն էր անեկդոտ պատմել), ասաց, որ մի քանի րոպեում կարող է տարբեր անեկդոտներ պատմել. «Հումորի տրամաբանությունն ու սարկազմը թողնենք մայիսի 7-ին, բոլորի պատասխանը հերթով ու շատ մանրակրկիտ կներկայացնենք: Կարող եմ տարբեր անեկդոտային տեսարաններ սարքել, որ ժողովրդին շատ հաճելի կլինի լսել: Օրինակ՝ դաշնակցության արմատը ժողովուրդը երբ հարցնում է, հո չենք ասում դաշնամուրն է»:
Կարդացեք նաև
Արփինե ՍԻՄՈՆՅԱՆ
