Սյունիքի թիվ 37 ընտրատարածքում կրքերը շիկանում են: Տեղացիները պատմում են, որ ՀՀԿ-ական մարզպետ Սուրիկ Խաչատրյանը, որը հարազատ կուսակցության համար 90 տոկոս ձայն էր խոստացել, իր տեղը չի գտնում՝ Գորիսում ԲՀԿ-ի մարդաշատ հանրահավաքից հետո: Օրերս նա կրկին հավաքել է տեղական չինովնիկներին եւ խիստ բարկացել, որ «իր ասածը գետնովն են տվել» եւ ԲՀԿ-ն այդքան մարդաշատ հանրահավաք է անցկացրել իր «քթի տակ»: Սուրիկ Խաչատրյանն ասել է, որ իրեն ոչ մի պատճառաբանություն չի հետաքրքրում, եւ ինքը պետք է կատարի «90 տոկոս ՀՀԿ-ի համար» խոստումը:
Արդեն երկու օր է՝ Aravot.am-ն այս առիթով փորձում է ստանալ Սուրիկ Խաչատրյանի մեկնաբանությունները: Վերջինիս հեռախոսը կամ անհասանելի է, կամ՝ նա չի պատասխանում զանգերին:
Նելլի ԳՐԻԳՈՐՅԱՆ
