Այսօր միասնական շտաբի նիստում լրագրողների հարցին, որ «Ժառանգությունը» հայտարարեց, որ միասնական շտաբը պատրաստ չէր քննարկման առարկա դարձնել ԲՀԿ-ի ընտրակաշառքները, որ ԲՀԿ-ն շարունակում է իր տրակտորներ բաժանելը՝ ՀՅԴ Գերագույն մարմնի ներկայացուցիչ Արմեն Ռուստամյանը պատասխանեց, որ դրա մասին իրենք խոսել են. «Ամեն ինչ չի, որ լիագումար նիստում է արվում, սա ձեւաչափ է, իրար փոխանցում ենք մտահոգությունները, որոնք կան, մենք դա արել ենք եւ արձագանքներ եղել են: Կարծում եմ՝ նման գործընթացը դադարեցվել է: Երեւի այն, ինչ «Ժառանգությունն» ասել է, երեւի չի էլ անդրադարձել, որ իրենց առաջարկով փոփոխություն ենք կատարել, բայց մինչեւ հիմա պնդում են, որ այդպիսի բան շտաբը չի որոշել: Ուրեմն թող բարի լինեն ավելի պարկեշտ գտնվեն, հայտարարություն կատարելուց առաջ հարցերը ճիշտ տան ու մեկ-մեկ էլ թերթ կարդան, այդ ամեն ինչի մասին խոսվել է»: Վարդան Օսկանյանն էլ ասաց, որ ես բացատրել եմ, ԲՀԿ-ն հայտարարություն արեց այդ մասին, շտաբում էլ այդ հարցը բարձրացվեց, քննարկվեց, ԲՀԿ-ն բացատրեց ժողովրդին, որ այդ բոլորը օրենքի շրջանակում են»:
Հռիփսիմե ՋԵԲԵՋՅԱՆ
