Այսօր Aravot.am –ը ՀԱԿ-ի հանրահավաքը սկսելուց առաջ նախկին վարչապետ Հրանտ Բագրատյանից հետաքրքրվեց՝ ճի՞շտ է, որ 88-90 թվականներին Դուք ամառ-ձմեռ նույն մոդայից դուրս չարոխատիպ կոշիկն եք հագել՝ ձմռանը՝ մի քանի զույգ նասկիով: Հիշեցնենք, որ այդ մասին «Առավոտին» ասել էր ՀՀԿ խմբակցության ղեկավար Գալուստ Սահակյանը: Հրանտ Բագրատյանն ապշած էր այդ կոշիկի պատմությունից, այդուհանդերձ չցանկացավ մեկնաբանել: Երբ նրան հիշեցրինք, որ Գալուստ Սահակյանը դա արել է՝ ի պատասխան իր կոչի, որ «Սերժը երբ գա՝ կոշիկի թայը հանեք, շպրտեք վրան, ինչպես Բուշին արեցին»՝ պարոն Բագրատյանն ասաց. «Ո՞վ է Գալուստ Սահակյանը, Սերժի տեղը ինքը խի՞ է պատասխանում: Թող Սերժը պատասխանի, ինքը Սերժի ի՞նչն է: Թող ասի, որ դա Սերժի անունից է պատասխանում՝ ես կմեկնաբանեմ»:
Հռիփսիմե ՋԵԲԵՋՅԱՆ
