«Հայկական ժամանակ» օրաթերթի մայիսի 3-ի համարում տպագրված «Հրապարակեք առկա ընտրողների ցուցակը» հոդվածում նշվում է, որ անձնագրային և վիզաների վարչությունը «Հայփոստին» պատվիրել է 1.900.000 ծանուցման առաքում, որից մոտ 750.000-ը հետ է վերադարձվել: Դրանից հոդվածագիրը հետևություն է արել, որ առկա ընտրողների իրական թիվը կազմում է 1.150.000, իսկ 750.000-ը չեն բնակվում Հայաստանում:
ՀՀ ոստիկանությունը հայտարարում է, որ տարածվել է հերթական ապատեղեկատվությունը: ՀՀ ընտրական օրենսգրքի 11-րդ հոդվածի 6-րդ մասի համաձայն` համայնքում մեկից ավելի ընտրական տեղամաu կազմավորվելու դեպքում լիազոր մարմինն ընտրողներին ուղարկում է ծանուցագրեր` քվեարկության oրվա, ընտրական տեղամաuի համարի, քվեարկության տեղի և ժամանակի մաuին, քվեարկության oրվանից ոչ ուշ, քան 3 oր առաջ: Այսինքն, մեկ տեղամասանոց համայնքների ընտրողներին ծանուցումներ չեն ուղարկվում: Դրանով է բացատրվում այն հանգամանքը, որ ծանուցագրեր են ուղարկվել 1.965.536 ընտրողի:
«Հայփոստ» ՓԲԸ-ի կողմից տրամադրված գրավոր տեղեկատվության համաձայն՝ 2012 թվականի մայիսի 3-ի ժամը 13:00-ի դրությամբ փոստային բաժանմունքներ վերադարձված ծանուցագրերի թիվը կազմում է 69.493 հատ: Փաստորեն` հոդվածագիրը տասն անգամ ուռճացրել է վերադարձված ծանուցագրերի թիվը` իրականությանը չհամապատասխանող տվյալները հիմնավորելու համար:
ՀՀ ոստիկանություն
