– Տեսախցիկների տեղադրումը ավտոճանապարհների վրա և քաղաքի այլ վայրերում հասարակության մեջ ունեցավ, մեղմ ասած, ոչ այնքան միանշանակ ընդունելություն…
-Գիտե°ք, նման նոր սարքավորումների տեղադրումը անխուսափելի էր, քանի որ մենք ուզում ենք ունենալ անվտանգ հասարակություն և պետություն: Սա առաջին հերթին բխում է մեր հասարակության, քաղաքացու անվտանգության շահերից: Այն ոք` օրինապաշտ քաղաքացին, ով չունի որևէ հետին մտադրություն, վախենալու բան չունի, և քաղակակիրթ աշխարհը գնում է հենց այս ճանապարհով: Եթե ուզում ենք ունենալ անվտանգ պետություն և հասարակություն, ապա այս նորամուծությունը դրա լավագույն երաշխիքնեից է: Ուսումնասիրությունները ցույց են տալիս, որ թե զոհերի, և թե ճանապարհային պատահարների թիվը զգալիորեն նվազել է տեսախցիկների տեղադրումից հետո: Այսպես, նախորդ տարվա հունվարից մինչև մարտ ընկած ժամանակահատվածի հետ համեմատած, մահվան դեպքերը ճանապարհատրանսպորտային պատահարների հետևանքով գրանցվել են դրանց 14 տոկոսում, իսկ այս տարվա նույն ժամանակահատվածում նույն ցուցանիշը կազմել է 10 տոկոս` դեռ չհաշված էլ 3 դեպքերը, որ տեղի են ունեցել հունվար ամսին` մինչև սարքերի տեղադրումը:
Ի դեպ, այս սարքերի միջոցով արդեն արձանագրվել է երթևեկության մոտ 25 հազար խախտում:
Այժմ մարդաշատ վայրերում նույնպես կտեղադրվեն տեսախցիկներ, և դա է՛լ ավելի կոգնի ինչպես բացահայտել, այնպես էլ կանխել հանցագործությունները հասարակական վայրերում:
Կարդացեք նաև
Ոստիկանության պետ գեներալ-լեյտենանտ Վլադիմիր Գասպարյանը հանձնարարել է ավելացնել արագաչափ սարքավորումների քանակը 50-ով, և արդեն մինչև մայիս կունենանք մոտ 25 տեղադրված նոր սարք:
Այս տարի Երևանում 40-ով կավելացվի նաև խաչմերուկների քանակը: Նորից ու նորից պետք է ընդգծեմ, որ այս համակարգի ընդունումը նպաստում է, որ մարդիկ ավելի զգոն լինեն, խախտումներ չկատարեն: Ինչ վերաբերում է Ձեր կողմից նշված մարդկանց դժգոհությանն առ այն, որ նրանք չեն ցանկանում, որ իրենց մասնավոր կյանքը լինի հանրային ուշադրության կենտրոնում, ապա ինչպես արդեն ասացի, աշխարհը զարգանում է, և ետ չմնալու համար, մենք պետք է կիրառենք զարգացված երկրների փորձը:
Նաև հատուկ պետք է նշեմ, որ այսօր կան այնպիսի` նոր տեսակի հանցագործություններ, որոնք պարզապես հնարավոր չէ բացահայտել առանց վերը նշված ժամանակակից սարքավորումների:
Գուրգեն ԽԱԺԱԿՅԱՆ
