Ջենիֆեր Լոպեսի նախկին անձնական վարորդ Հակոբ Մանուկյանը, ով հետագայում դարձավ նրա անվտանգության ծառայության պետը, մեղադրել է հայտնի երգչուհուն խաբեության մեջ`պահանջելով բարոյական ու նյութական վնասի փոխհատուցում: Այդ պաշտոնում Մանուկյանը տարեկան ստացել է 200 հազար դոլար: Ինչպես հաղորդում է newsmax.com.ua-n`Հակոբ Մանուկյանի դատարան հայց ներկայացնելու դրդապատճառ է հանդիսացել նրան անհիմն աշխատանքից ազատելը: Մանուկյանը դա բացատրում է նրանով, որ Լոպեսի մենեջեր Բեննի Մեդինային դուր չի եկել ժամանակին իր հրապարակած` Լոպեսի կողմից թանկարժեք օդանավ վարձակալելու փաստը: Ըստ Մանուկյանի՝ հենց Մեդինան է դրդել երգչուհուն, որպեսզի վերջինս ազատի իրեն աշխատանքից: Նա պնդում է նաեւ, որ Լոպեսը խախտել է աշխատանքային օրենսդրությունը, քանի որ երգչուհուն որակյալ ծառայություն մատուցելու համար ինքը ստիպված է եղել փակել փոխադրումներով զբաղվող սեփական ընկերությունը:
Անդրանիկ Ջալալյան
